The Information Technology Experts Center

مرحبا يك زائرنا العزيز " فى الكون المفقود "
تشرفنا بك زاثرا أو عضوا .. نحن لا نهتم بتسجيلك أو - لا .. أن تضيف مساهمة أو - لا .. كل ما يهمنا و نتمناه منك أن تدخل لتستفيد و تحمل ما تريد و تحتاج .. أنشأنا هذا الكون لراحتكم و افادتكم و هذا كل ما نتمناه و يسعدنا أن مجهودنا فى جمع المعلومة لكم قد حقق هدفه و لم يضيع هباءا
كل المراحب بكل انسان





The Information Technology Experts Center


 
الرئيسيةالبوابةمكتبة الصورس .و .جبحـثالتسجيلدخول
     





شاطر | 
 

 الشيخ أمين الديب .. لا للمحاكمات العسكرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاني
عضو فضي
عضو فضي


عارضة الطاقة :
0 / 1000 / 100


احترام قوانين المنتدى : 100%

وسامى : ان تستفيدوا من مواضيعنا

الوسام الثانى للمنتدى الوسام الثانى للمنتدى : القلم المميز

الوسام الاول للمنتدى الوسام الاول للمنتدى : الوسام البرونزى

الجنس : ذكر

عدد المساهمات : 398
العمل/الترفيه : الدعاية والاعلان
المزاج : لشعر والرسم والخط
الجنسية : :
نقاط : 3584
السٌّمعَة : 42
تاريخ التسجيل : 19/05/2008

مُساهمةموضوع: الشيخ أمين الديب .. لا للمحاكمات العسكرية   الثلاثاء يناير 20, 2009 11:51 pm


الشيخ أمين الديب .. لا للمحاكمات العسكرية






يا نحو فين الناس

بخوفكوا و عجزكوا


ياللي البوليس و المُعتقل
لغة التحاور عندكم
و مكممين كل الشفاه بالبلطجه
و بأمن يحمي أمنكم
و مكتفين الشعب .. كل الشعب
بحبال وهمكم
بأعلى صوتنا باقول لكم
لو تسمحوا من فضلكم
نسأل سؤال
هل فيه سبب للأعتقال؟!
مع اننا ناس معروفين
و كبار رجال أعمال
و ظننا طول عمرنا
قدام عنيكم من زمان
و بترصدوا كل الكلام
فى الهاتف الارضي و فى الجوال
و بترصدوا حتى اللي بيدور فى الخيال
و بترصدوا كل الللى موجود فى البيوت
حتي اللعب بتوع العيال
و الف مرة بتجسس
و بتسألوا مليون سؤال
و تحققوا و تدققوا و بتعرفوا
مطرح دبيب النمل
فوق سفح الجبال
و احلف يمين
ان الجميع متأكدين
بالذات كبير البصاصين
أموالنا جت جهد و عرق
و فلوسنا م المال الحلال
و لا عمرها كانت منح
و لا عمرها كانت غسيل أموال
و الشعب عارف اننا
عاوزين يادوب رضا ربنا
مش محتاجين
نرضي اليهود

*******

و لا فينا خاين او جاسوس
و لا خدنا قرض من البنوك
و هربنا و معانا الفلوس
و لا كنا تُجار ممنوعات
و لا بعنا مره مخدرات
و لا من بتوع العبارات
و لا من بتوع الرقاصات
و طبعنا غير طبعكم
و صحيح نخالف رأيكم
لاكننا مش طمعانين
ناخدوا الكراسي بعدكم
و كلكم متأكدين..
ان الكراسي مكسره
و كلها بتجيب ورا

*******

طب ايه جرى.. يا هل ترى
فيه اي واحد مننا
راح و اشترى..
شركات بأموال اليهود
و فلوسنا كانت سمسره.؟
و ازاي و ليه
مبتسألوش عن مال ساويرس
ولا عز و مين و مين
و جات منين..
و فى أى مشروع و أى مله و أى دين
جواسيس و ممدوح اسماعيل
يتحاكموا مدنيين
و احنا اللى اخوان مسلمين
متدينين
و اساسنا مدنيين
القاضي حكم عسكرى
و تقول لمين
و تعيد لمين
سيبها بس لربنا
و ربنا عالمفترى
و ان حد مات أو حد عاش
ميهمناش
أهم شىء الشعب عارف اننا
عاوزين يا دوب رضا ربنا
مش محتاجين ان اليهود ترتاح لنا
أهم شيء بيهمنا
الشعب يعرف سكته و لا بد من توعيته
يعرف يحقق رغبته
و مقاومته لناس بتنهب ثروته
و تبان عزيمته و همته
و ساعتها يفرض كلمته
و يقولها بصراحه
من غير كسوف و لا خوف
و بنفس مرتاحه
و تكون عشان ربنا
وماتكونش جراحه

*******

و مش عشان اكل عيشنا
نمحى عقيدتنا
و نطاطي للظلم
و لا نفرضش رؤيتنا
دا الرزق من ربنا
موجود فى زرعتنا
و العمر و الرزق
متجدد فى صفحتنا
رزقك فى ايد ربنا
مش ايد عدونا
ملعون ابو اللقمه
لو تنزل بكرامتنا
ملعون ابوه الرغيف
لو ذل عزتنا
ملعون ابوه الدولار
لو جه بذل و عار
ملعون أبوه اللى يستسلم
للأستعمار
ملعون أبوها الحياه
لو سجن للأحرار
و الموت و لا العار
و لا الأنجاس تدوس بيتنا
جسم العرب قطعوه
بقى تُلتُميت حته
و الراس بقت وحدها
مفصوله من الجته
لا ودان بتسمع..
و لا بتشم نتانتها
و لسانها مشلول
و لا بينطق كلمتها
و لا عينها بتشوف طشاش
و لا شايفه سكتها
فرحانه اكمنها
مسنوده عاليه لفوق

*******

يا خلق فوقوا بقي
و قولوها لاجل يفوق
الراس ماتنفعش أبدا
أو بدون جته
ايه اللى فاضل
عشان الخلق تبكي عليه
اقولك ايه و لا ايه
الشعب شاف بعنيه
تزوير ونهب و غلا
و عصابه دايسه عليه
و لسه قال ايه !!
يقولك عهد حريه
و يحاكمك العسكريه
للخصوم من ايه ؟!

*******

يا ريت تفوقوا بقي
قبل الاوان ما يفوت
عورتكوا بانت
و سقط كل ورق التوت
قلناها و مدويه
من جوه بطن الحوت
يا مكتفين الشعوب
بالقسوه و الجبروت
يا مشتتين المطر
كل الشجر بيموت
ملعون ابوه السكوت
الشعب خاب ظنه
ملعون ابوه السكوت
متفكروش انه
لامواخذه خوف منكم
أو من ظلام سجنكم
الطير عرف خُنه
و ان كان على المعتقل
مايهمناش منه
صدق اللى قال فى المثل
اللى اختشوا ماتوا
و ان حكم ظالم
فى رب فوق منه

الشاعر أمين الديب
الرجوع الى أعلى الصفحة اذهب الى الأسفل
koko
عضو فعاااال
عضو فعاااال


عارضة الطاقة :
0 / 1000 / 100


احترام قوانين المنتدى : 100%

وسامى : ان تستفيدوا من مواضيعنا

وسام تكريم و تقدير وسام تكريم و تقدير :

الوسام الاول للمنتدى الوسام الاول للمنتدى : الوسام البرونزى

الجنس : ذكر

عدد المساهمات : 172
العمل/الترفيه : محاسب
المزاج : معتدل
الجنسية : :
نقاط : 3120
السٌّمعَة : 69
تاريخ التسجيل : 26/01/2009

مُساهمةموضوع: رد: الشيخ أمين الديب .. لا للمحاكمات العسكرية   الثلاثاء يناير 27, 2009 8:20 pm

ياخوفي تبقي الشاعر السجين


Arrow
الرجوع الى أعلى الصفحة اذهب الى الأسفل
هاني
عضو فضي
عضو فضي


عارضة الطاقة :
0 / 1000 / 100


احترام قوانين المنتدى : 100%

وسامى : ان تستفيدوا من مواضيعنا

الوسام الثانى للمنتدى الوسام الثانى للمنتدى : القلم المميز

الوسام الاول للمنتدى الوسام الاول للمنتدى : الوسام البرونزى

الجنس : ذكر

عدد المساهمات : 398
العمل/الترفيه : الدعاية والاعلان
المزاج : لشعر والرسم والخط
الجنسية : :
نقاط : 3584
السٌّمعَة : 42
تاريخ التسجيل : 19/05/2008

مُساهمةموضوع: رد: الشيخ أمين الديب .. لا للمحاكمات العسكرية   الجمعة فبراير 20, 2009 12:41 am

هههههههههههههههه متقلقش اخوك راجل ومبيخفش لكن الجري نص الجدعنة زي ما بيقولوا


Cool
الرجوع الى أعلى الصفحة اذهب الى الأسفل
 
الشيخ أمين الديب .. لا للمحاكمات العسكرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
The Information Technology Experts Center :: منتديات الآداب و الشعر :: روائع الشعر الانسانى-
انتقل الى: